სკანდალი გრძელდება - ჯონი დეპის ასისტენტის თქმით, ემბერი იტყუბა და ყალბი მიმოწერის სქრინები გაავრცელა

ეს საინტერესოა - 13:48, 03 Jun, 2016

7092

ჯონი დეპის ირგვლივ აგორებული სკანდალი გრძელდება. თუმცა, ახალ-ახალი ინფორმაციების ფონზე, საზოგადოება ცოტათი დაიბნა.

გუშინ, ჯონი დეპის მეუღლემ, 30 წლის ემბერ ჰერდმა სოციალურ ქსელში მორიგი ფოტოები და მტკიცებულებები გამოაქვეყნა, რომლითაც ირწმუნება , რომ ჯონი დეპი მას ფიზიკურად უსწორდებოდა. ემბერმა მისი და ჯონი დეპის ასისტენტის სტეფან დოიტერსის მიმოწერის სქრინები ატვირთა.

მიმოწერის თანახმად, საუბარია ინციდენტზე, როდესაც ჯონმა მეუღლეს ხელი დაარტყა. სტივენ ემბერს მსახიობის მაგივრად უხდის ბოდიშს და ამბობს, რომ დეპი იმ მომენტში თავს ცუდად გრძნობდა. ემბერი კი წერს, რომ მსგავსი რამ პირველად არ ხდება.

აღნიშნულ სქრინებს, სტეფან დოიტერი გამოეხმაურა და მიმოწერის ავთენტურობა არ დაადასტურა. მისი თქმით, მას ემბერ ჰერდთან მსგავს თემაზე საუბარი არასოდეს ჰქონია და სქრინებს ფეიკი უწოდა.

„ჯონისგან ემბერზე განხორციელებული ძალადობის შესახება არასოდეს მსმენია. უფრო მეტიც, ჯონისთვის აგრეისულობა არასოდეს შემინიშნავს და რაც მთავარია, ემბერზე არასოდეს მინახავს ფიზიკური ძალადობის კვალი“ - განაცხადა სტეფანმა.

მისი თქმით, მზად არის საჭიროების შემთხვევაში სასამართლოს წინაშე წარსდგეს და იგივე გაიმეოროს.

აღსანიშნავია, რომ გუშინ გამოქვეყნებული სქრინების სრული არ არის არის და გარკვეულ მონაკვეთებში წყდება. ამავდროულად, არც თარიღი და წერილი ჩანს. ემბერი ირწმუნება, რომ მიმოწერა 2014 წლის არის.

სკანდალი ჯონი დეპისა და ემბერ ჰარდის გარშემო ერთი კვირის წინ დაიწყო. 30 წლის ემბერ ჰერდმა ჯონი ფიზიკურ ძალადობაში დაადანაშაულა. .ემბერმა სასამართლოში სარჩელი ჯონის დედის გარდაცვალებიდან სამი დღის შემდეგ შეიტანა, მთავარ მოტივად კი მეუღლესთან "შეურიგებელი უთანხმოება" დაასახელა . მოგვიანებით კი ძალადობის ამსახველი ფოტოები გამოქვეყნა. მისი თქმით, ბოლო კამათისას ჯონმა მას მობილური ტელეფონი ესროლა.

სასამართლომ ჯონს ემბერთან მიახლოება აუკრძალა, თუმცა მსახიობის დასაცავად ლამის მთელი ჰოლივუდი გამოვიდა. ყველაზე აქტიური მხარდამჭერები კი მისი ყოფილი მეუღლეები აღმოჩნდნენ, რომლებმაც თავიანთი პოზიცია პირველებმა დააფიქსირეს და ჯონის მხრიდან ძალადობა გამორიცხეს.

დასავლური მედია მაშინვე ალაპარაკდა, რომ უთანხმოების მიზეზი, ავსტრალიის სკანდალი გახდა. როდესაც ემბერმა ავსტრალიაში გამგზავრებისას დეკლარაციაში ძაღლები არ შეიყვანა, რის გამოც ძაღლებს ევთანაზია, მას კი 10 წლიანი პატიმრობა დაემუქრა. აღნიშნულის გამო წყვილს საჯაროდ ბოდიშის მოხდაც მოუწია. ტაბლოიდების ნაწილი კი ემბერის ბისექსუალობას იხსენებს და უთანხმოების მიზეზად იტალიელ მხატვართან მის რომანს ასახელებს.

გამოცემა TMZ კი წერს, რომ იმ ღამეს, როდესაც ემბერის თქმით, ნასვამმა ჯონმა მას ტელეფონი ესროლა, რის შემდეგაც ემბერმა პოლიცია გამოიძახა, საეჭვო არაფერი დაფიქსირდა.

გამოცემა სამართალდამცავებზე დაყრდნობით იტყობინება, რომ გამოძახებაზე მისულებს ემბერი ყოველგვარი დაზიანებების გარეშე დახვდათ და არც ჯონი დეპის არაფხიზელი მდგომარეობა შეუმჩნევიათ.

ემბერი და ჯონი 15 თვეა ქორწინებაში იმყოფებიან. როგორც გაირკვა, მათ საქორწილო ხელშეკრულება გაფორმებული არ აქვთ და ემბერიც განქორწინების სანაცვლოდ კოლოსალურ თანხებს ითხოვს. როგორც დასავლური ტაბლოიდები იტყობინებიან, ჯონი დეპი უკვე დაუკავშირდა განქორწინების საკითხებში ყველაზე ცნობილ ადვოკატებს და საქმის სწრაფად მოგვარება სთხოვა, თანაც ემბერისთვის ყოველგავრი კომპენსაციის გადახდის გარეშე.