აზერბაიჯანი ბუნდესტაგის გადაწყვეტილებას გმობს და მიუღებელს უწოდებს

მსოფლიო - 10:20, 03 Jun, 2016

1364

აზერბაიჯანის საგარეო საქმეთა სამინისტრომ დაგმო გერმანიის ბუნდესტაგის მიერ მიღებული რეზოლუცია, რომელიც რომელიც 1915-16 წლებში ოსმალეთის იმპერიის დროს სომხების გენოციდს შეეხება. როგორც საგარეო უწყების განცხადებაში აღნიშნულია, დოკუმენტი მიუღებელია, ამასთანავე
"ისტორიის ფალსიფიცირება და მისი პოლიტიკური მიზნებისთვის გამოყენება კი დაუშვებელი."

ბუნდესტაგის გადაწყვეტილება დაგმო თუქეთის პრეზიდენტმაც. რეჯეპ ტაიპ ერდოღანის თქმით, ეს მნიშნველოვან გავლენას მოახდენს თურქეთ-გერმანიის ურთიერთობაზე. გუშინ, გერმანიის პარლამენტმა მხარი დაუჭირა რეზოლუციას, რომელიც 1915 წელს ოსმალეთის იმპერიიდან სომეხთა მასობრივი დეპორტაციის დროს მასობრივ მკვლელობებს გენოციდად აღიარებს.
როგორც თურქული გამოცემები წერენ, აღნიშნული დოკუმენტის მიღების შემდეგ, სტამბოლში გერმანიის გენერალური საკონსულოს შენობასთან უსაფრთხოების ზომებია გამკაცრებული. ადგილზე მობილიზებულია პოლიცია. უსაფრთხოების ზომების გამკაცრების გადაწყვეტილება თურქეთის მთავრობამ მას შემდეგ მიიღო, რაც გერმანიის დიპლომატიურ წარმომადგენლობასთან ათობით ადამიანმა საპროტესტო აქცია გამართა.