რა რეაქცია ჰქონდა დედას, როდესაც უთხრეს, რომ გოგოს ნაცვლად ბიჭი გააჩინა (ფოტოკოლაჟი)

ეს საინტერესოა - 12:50, 02 Jun, 2016

19463

ორსულობის პერიოდში ხშირია შემთხვევები, როდესაც ექიმებს ბავშვის სქესი ეშლებათ. ექოსკოპიაზე მისულ დედებს ეუბნებიან, რომ გოგონას/ბიჭის დედები გახდებიან, მეორე მისვლაზე კი ირკვევა, რომ პირიქით არის.

კოტო ნაკამურამ 20 მაისს, ავსტრალიის ქალაქ ჰობარტში იმშობიარა.

ნაკამურა და მისი მეუღლე სინა ნიაკანსაფი გოგონას ელოდებოდნენ, რომლისთვისაც ჰინატა უნდა დაერქმიათ. გოგონასთვის ვარდისფერი ოთახი და ასესუარებიც მომზადებული ჰქონდათ, თუმცა ბავშვმა მათი გეგმები თავდაყირა დააყენა.

გოგონას ნაცვლად ბიჭი გაჩნდა.

ბიჭის დაბადებასთან დაკავშირებით დედის რეაქცია ჯესიკა ჯექსონმა დააფიქსირა, რომელიც 4 წელია მშობიარობას ესწრება და მნიშვნელოვან მომენტს ფირზე აღბეჭდავს.

„კოტო გაოგნებული იყო, მგონი არც იცოდა რა რეაქცია უნდა ჰქონოდა. ყველანი შოკში ვიყავით“ - განაცხადა ფოტოგრაფმა ჟურნალისტებთან.

„მშობიარობა დიდხანს გაგრძელდა და ყველანი დაღლილები ვიყავით. თუმცა, როგორც კი დავინახეთ, რომ ბავშვი დაიბადა და ის გოგო კი არა ბიჭი იყო, ყველა ხმამაღლა ვიცინოდით, ისეთი მოულოდნელი იყო, ერთი კვირა ხმაც კი არ მქონდა“ - განაცხადა მედდამ.

ფოტო იმდენად ემოციური აღმოჩნდა, უყურადღებოდ არც ჟურნალისტებს დარჩენიათ.

„როდესაც ექიმებმა თქვეს, რომ ბიჭი გაჩნდა და სიცილი დაიწყეს, მეგონა უბრალოდ მეხუმრებოდნენ. მაგრამ როდესაც ბავშვი ვნახე, მეტყველების უნარი დავკარგე. უბრალოდ, შოკირებული ვიყავი რამდენიმე წამი. ეს გაოცების რეაქცია იყო. ბუნებრივია, ჩვენთვის მნიშვნელობა არ ჰქონდა გოგო იქნებოდა თუ ბიჭი“ - განუცხადა დედამ ჟურნალისტებს.

ბიჭს ტაიგა დაარქვეს, რაც იაპონურად დიდსა და გულითადს ნიშნავს.