ცნობილი ბრიტანელი შემსრულებლის რობი უილიამსის "ტვიტერის" ოფიციალურ გვერდზე დღეს მისი ქართველი თაყვანისმცემლის სურათი გამოქვეყნდა, სადაც მუსიკოსი მას გამოჯანმრთელებას უსურვებს. ფოტომ სოციალურ ქსელებში დიდი ვნებათაღელვა გამოიწვია.

"მოამბის" გადამღებმა ჯგუფმა ბათუმში სურათზე აღბეჭდილ პიროვნებას მიაგნო. ზურაბ ცნობილაძე ამბობს, რომ გავრცელებული ფოტოს შესახებ რამდენიმე საათის წინ გაიგო.

როგორც ახალგაზრდა ჰყვება, ის ჯანმრთელობის გაუარესების გამო "დინამო არენაზე" გუშინ გამართულ კონცერტს ვერ დაესწრო და "ინსტაგრამზე" სწორედ ის ცნობილი ფოტო ატვირთა და დააწერა, რომ ბოდიშს უხდიდა რობი უილიამსს, რომ ვერ მოახერხა კონცერტზე მისვლა.