საქართველოს მესამერ პრეზიდენტი და ამჟამად ოდესის ოლქის სახელმწიფო ადმინისტრაციის ხლემძღვანელი მიხეილ სააკაშვილი გახდება უკრაინის ახალი პოლიტიკური პარტიის ერთ-ერთი იდეოლოგი. ამის შესახებ განცხადება უკრაინის გენერალური პროკურორის ყოფილმა მოადგილემ დავით საყვარელიძემ უკრაინულ მედიასთან ისაუბრა. სწორედ საყვარელიძეა ახალი პარტიის შექმნის ინიციატორი:

„მიხეილ სააკაშვილი ჩვენთან იქნება რა თქმაუნდა და ის იქნება ერთ-ერთი იდეოლოგი და „დრაივერი“ ამ პარტიის“- განაცხადა საყვარელიძემ. მისი თქმით აქტიური კონსულტაციები მიმდინარეობს უმაღლესი რადას მოქმედ დეპუტატებთან სერგეი კეშჩენკოსთან და მუსტაფა ნაიემომთან. საყვარელიძემ ასევე არნიშნა, რომ ახალ პოლიტიკურ ძალაში შეიძლება შევიდეს ანტიკორუფციული მოძრაობა „Рух За очищення“-ს საუკეთესო ნაწილი. საყვარელიძის თქმით პარტიის შექმნა ნულიდან დაიწყება :

„მე ვფიქრობ რომ პარტია იქნება სრულიად ახალი. ის შეიქმნება ნულიდან. არაფრის გადაკეთება ან სახელის გადარქმევა არ მოხდება“- განაცხადა საყვარელიძემ.

დავით საყვარელიძე უკრაინის გენერალური პროკურორის მოადგილის თანამდებობიდან 2016 წლის მარტში ქვეყნის ახალმა გენერალურმა პროკურორმა გაათავისუფლა.