რუსეთის პრეზიდენტი ვლადიმერ პუტინი საბერძნეთში თავისი ვიზიტის ფარგლებში ათონის წმინდა მთასაც ეწვია. ინფორმაციას ამის შესახებ რუსული მედია ავრცელებს. ათონის მთაზე პუტინის ვიზიტი იქ რუსი ბერმონაზვნების მოღვაწეობის ათასწლეულს მიეძღვნა.

როგორც რუსული მედია წერს, ღვთისმშობლის მიძინების ტაძარში პუტინი იმ სავარძელზე დაჯდა, სადაც მხოლოდ ბიზანტიის იმპერატორები სხდებოდნენ.

პუტინმა ათონზე სტუმრობისას მსოფლიო პატრიარქს და საბერძნეთის ეკლესიის წარმომადგენლებს მადლობა გადაუხადა რუსეთის ეკლესიასთან და რუს ხალხთან მჭიდრო ურთიერთობის შენარჩუნებისთვის გაწეული ღვაწლის გამო.