„მე მინდა ფრენა, მაგრამ თუკი ხალხი ჩემს უკრაინის პრეზიდენტად ნახვას მოინდომებს, მზად ვარ პრეზიდენტი გავხდე“ - განაცხადა სავჩენკომ კიევში მიმდიანრე პრესკონფერენციაზე.
მისივე თქმით, მზად არის არაღიარებულ რესპუბლიკებთან მოლაპარაკება აწარმოოს, თუკი ეს ტყვედ ჩავარდნილი უკრაინელი სამხედროების გათავისუფლებას დაეხმარება.
სავჩენკომ აღნიშნა, რომ უკრაინისა და მსოფლიოს მასშტაბით ტურნეს მოწყობა სურს, რომელიც ხელს შეუწყობს აგრესორის წინააღმდეგ ბრძოლას.
რუსეთში პატიმრობაში მყოფი უკრაინელი სამხედრო მფრინავი, ნადეჟდა სავჩენკო , გუშინწინ გაათავისულეს. ის დონის როსტოვის აეროპორტში ორ რუს სამხედროზე დღეს გაცვალეს. სავჩენკოს აეროპორტში ახლობლები, რიგითი მოქალაქეები და პოლიტიკოსები დახვდნენ. პირველი განცხადება მან სწორედ აეროპორტში გააკეთა და ბოდიში მოუხადა მათ, ვინც ჯერაც პატიმრობაში იმყოფებიან.
რუსეთი ნადია სავჩენკოს რუსი ჟურნალისტების მკვლელობაში ადანაშაულებდა.
22 მარტს, რუსეთის სასამართლომ, მას 22 წლით თავისუფლების აღკვეთა მიუსაჯა.
მასალის გამოყენების პირობები






