უხლოეს საათებში, ნადეჟდა სავჩენკოს უკრაინულ მხარეს გადასცემენ

უხლოეს საათებში, ნადეჟდა სავჩენკოს უკრაინულ მხარეს გადასცემენ - "ინტერფაქსი"

მსოფლიო - 13:10, 25 May, 2016

2369

უკრაინის პრეზიდენტის პეტრო პოროშენკოს თვითმფრინავი რამდნეიმე წუთში როსტოვში დაეშვება, სადაც უახლოეს საათებშო უკრაინელ მფრინავს, ნადეჟდა სავჩენკოს უკრაინულ მხარეს გადასცემენ.

ამის შესახებ სააგენტო „ინტერფაქსი“ წყაროზე დაყრდნობით წერს.

წყაროს ცნობით, სავჩენკოს გადაცემის სანაცვლოდ, უკრაინული მხარე მოსკოვს რუს სამხედროებს, ევგენი ეროფეევსა და ალექსანდრ ალექსანდროვს გადასცემს, რომლებიც უკრაინაში იხდიან სასჯელს და რომლებიც ამჟამად თვითმფრინავის ბორტზე იმყოფებიან.

აღნიშნული ინფორმაციის გადასამოწმებლად „ინტერფაქსი“ კრემლს დაუკავშირდა. გამოცემის თანახმად, როგორც პუტინის პრესმდივანმა დიმიტრი პესკოვმა განაცხადა, ამის შესახენ არავითარ ინფორმაციას არ ფლობს.

შეგახსენებთ, რუსეთის ქალაქ დონეცკის სასამართლომ ნადეჟდა სავჩენკო, რუსი ჟურნალისტების მკვლელობაში დამნაშავედ ცნო და მას 22 წლით თავისუფლების აღკვეთა მიუსაჯა.

სავჩენკოს ბრალად ედება იმ რუსი ჟურნალისტების მკვლელობა, რომლებიც უკრაინაში, ლუგანსკის ოლქში 2014 წლის ივნისში დაიღუპნენ. სავჩენკო ამ დრომდე ყველა ბრალდებას უარყოფს. მისი თქმით, ის რუსმა სეპარატისტებმა ჟურნალისტების დაღუპვამდე ტყვედ აიყვანეს და რუსულ მხარეს გადასცეს.