თურქეთის ევროკავშირს კიდევ ერთხელ აფრთხილებს.

თურქეთის პრეზიდენტის, რეჯეპ ტაიპ ერდოღანის განცხადებით, თუ ევროკავშირი ოფიციალურ ანკარას ივნისის ბოლომდე სავიზო რეჟიმს არ მოიხსნის, პარლამენტი მიგრანტების კრიზისთან დაკავშირებით მიღწეულ შეთანხმებას დაბლოკავს.

"თუ ეს არ მოხდება, თურქეთის რესპუბლიკის პარლამენტი არ მიიღებს გადაწყვეტილებას და კანონს რეადმისიის შესახებ შეთანხმების ფარგლებში" - განაცხადა თურქეთის პრეზიდენტმა სტამბოლში მსოფლიო ჰუმანიტარული სამიტის გახსნაზე.

ერდოღანის თქმით, ევროკავშირს არც ის თანხა გამოუყვია, რომელიც ანკარისთვის უნდა გაეგზავნა დევნილთა ბანაკების მოსაწყობად.

სავიზო რეჟიმის გაუქმების სანაცვლოდ, ბრიუსელი ანკარისგან ანტიტერორისტულ კანონმდებლობაში ცვლილებების შეტანას და ტერორიზმის განსაზღვრების შევიწროვებას ითხოვს. თურქეთის პრეზიდენტი კი ანტიტერორისტული კანონის შეცვლაზე უარს აცხადებს.

უვიზო მიმოსვლა ოფიციალურ ანკარასა და ევროკავშირს შორის მარტში მიღწეული შეთანხმების ნაწილია, რომლის მიხედვითაც, თურქეთი საბერძნეთის ტერიტორიაზე გადასულ მიგრანტებს თურქეთში დააბრუნებს და სპეციალურ ბანაკებში მათ ცხოვრებას უზრუნველყოფს.