რადიკალურმა ისლამისტურმა მოძრაობის “თალიბანმა” ლიდერის მოლა მანსურის გარდაცვალება დაადასტურა და მისი შემცვლელის ვინაობა დაასახელა.

"ბიბისის" ცნობით, ამის შესახებ ტერორისტებმა სპეციალური განცხადება გაავრცელეს.

ტერორისტებმა ახალ ლიდერად ჰაიბატულა ახუნზადა დაასახელეს. რომელიც მანსურის მოადგილე იყო და დაჯგუფებაში შარიათის წესით გასამართლებაზე იყო პასუხისმგებელი. “თალიბანის” ახალი ლიდერის მოადგილეები იქნებიან ქაბულში სისხლიანი ტერაქტების სერიის ორგანიზატორი სირაჯუდინ ჰაკანი და გასულ წელს მოკლული მოლა ომარის შვილი, მუჰამედ იაკუბი.

"თალიბანის" ყოფილი ლიდერი, მოლა მანსური გასულ კვირას ამერიკული უპილოტო თვითმფრინავების მიერ პაკისტანის სამხრეთ-დასავლეთ ნაწილში, ბელუჯისტანის პროვინციაში განხორციელებული დარტყმის შედეგად გარდაიცვალა.