9 მიზეზი, რატომ უნდა იმოგზაურო საქართველოში

9 მიზეზი, რატომ უნდა იმოგზაურო საქართველოში - CNN-ი საქართველოზე

ეს საინტერესოა - 18:09, 23 May, 2016

15541

CNN-ი საქართველოს ევროპის ერთ-ერთ ახალ, პოპულარულ დანიშნულების ადგილს უწოდებს და ქვეყანაში მოგზაურობის მთავარ მიზეზთა ნუსხას აქვეყნებს."საქართველო, ქვეყანა რომელიც რუკაზე ისევე იწერება, როგორც ამერიკის ერთ-ერთი შტატი, ევროპის ერთ-ერთ საუკეთესო და სასურველი მიმართულება ხდება" - წერს გამოცემა და 9 მიზეზს ასახელებთ, თუ რატომ უნდა ჩამოვიდეს ტურისტი საქართველოში.

1. თბილისი - პირველ მიზეზად "სიენენი" საქართველოს დედაქალაქს ასახელებს და წერს, რომ განსაკუთრებით შთამბეჭდავი თანამედროვე და ანტიკური ხანის არქიტექტურის ნაზავია, რომელიც თბილისის ქუჩებში გვხვდება და აბანოთუბნის უნიკალურობასაც უსვამს ხაზს.

2. უშგული - ევროპაში ყველაზე მაღლა მდებარე სოფელ - უძველესი ტრადიციების გაცნობის მსურველებს, "სიენენი" ევროპაში ყველაზე მაღლა მდებარე სოფელში ეპატიჟება. როგორც სტატიის ავტორი წერს, იუნესკოს მსოფლიოს კულტურულ მემკვიდრეობის სიაში შეტანილი ტერიტორიები შვეიცარიის კურორტების მსგავსია.
3. ღვინის სამშობლო - ქართული ღვინო არც გავლენიან გამოცემას გამორჩენია მხედველობიდან და მესამე მიზეზად სწორედ, ქართულ ღვინოს ასახელებს. "როდესაც ღვინის სამშობლოზე ვფიქრობთ, ყოველთვის საფრანგეთს, იტალიას და საბერძნეთს ვიხსენებთ, მაგრამ ღვინის დაბადების ადგილი საქართველოა"- ნათქვამია სტატიაში
4. საიდუმლოებით მოცული ქალაქი გამოქვაბულში - "სიენენი" საქართველოში არსებულ გამოქვაბეულებს, ევროპაში ერთერთ ყველაზე უჩვეულოს უწოდებს და საქართველოში მოსანახულებელ ადგილად ვარძიას, უფლისციხესა და დავით გარეჯს ასახელებს.

5. სუფრა - ქართული ტრადიციული სუფრა 9 მიზეზს შორის მეხუთე ადგილზე მოხვდა.

6. მაღალმთიანი სოფლები - გამოცემა ბუნების მოყვარულებს ხევსურეთსა და თუშეთში წასვლას ურჩევს და ქართული მაღალმთიანი სოფლების გამორჩეულობაზე საუბრობს."ზოგი სოფელი იმდენად ახლოს არის ჩეჩნეთთან, რომ ესაზღვრეების დანახვსააც კი შეძლებთ“ - წერს ავტორი.

7. ევროპის ყველაზე სურეალური მუზეუმი - 9 მიზეზს შორის მოხვდა გორი და სტალინის მუზეუმიც. "თქვენ ალბათ ფიქრობთ, რომ სტალინი დიქტატორი იყო, რომელმაც მილიონობით ადამიანი მოკლა, თუმცა მის მშობლიურ ქალაქში განსხვავებულად ფიქრობენ და გარკვეული სიამაყის გრძნობაც აქვთ" - წერს ავტორი და აღნიშნავს, რომ სტალინის მუზეუმს არაერთხელ უწოდეს "საბჭოთა კავშირის პროპაგანდა“. მისივე თქმით, მუზეუმის რუსეთის ოკუპაციის მუზეუმად გადაკეთებაც იგეგმებოდა, თუმცა არნიშნული არ განხორციელდა.

8. უძველესი და ულამაზესი ტაძრები - ავტორი მკითხველს სვეტიცხოველის, ბაგრატისა და გერგეთის ეკლესიების ნახვას ურჩევს.

9. ქართველი ხალხი და ქართული სტუმართმოყვარეობა - ბოლო მიზეზად ავტორი ქართველების სტუმართმოყვარეობას ასახელებს."ერთი შეხედვით, ქართველები შესაძოა, ძალიან სერიოზული და მკაცრი მოგეჩვენოთ, მაგრამ ისინი ყველაზე კეთილები და სტუმართმოყვარეები არიან. ქართველებისთვის სტუმარი წმინდა რამ არის" - წერს გამოცემა.
CNN-ის სტატიის წაკითხვა შეგიძლიათ აქ http://edition.cnn.com