სირიაში ტერაქტების სერიაზე პასუხისმგებლობა რადიკალურმა ექსტრემისტულმა დაჯგუფება "ისლამურმა სახელმწიფომ" აიღო. ამის შესახებ ინფორმაციას "ბიბისი" ავრცელებს.

გამოცემის ცნობით, ადგილობრივი მედიის ინფორმაციით, ტერაქტებს სულ 78 ადამიანი ემსხვერპლა. "სიირის ადამიანთა უფლებების დაცვის სადამკვირვებლო ორგანიზაციის" ცნობით კი მსხვერპლი გაცილებით მეტია და აფეთქებებს 101 ადამიანი ემსხვერპლა.

ტერაქტების სერია სირიის ქალაქებში ტარტუსა და ჯაბლაში დღეს დილით მოხდა. გამოცემის ცნობით, ტარტუსში ავტოსადგურთან დანაღმული მანქანა აფეთქდა, გარდა ამისა სადგურის ტერიტორიაზე თავი აიფეთქა ორმა თვითმკვლელმა ტერორისტმა. შედეგად, 33 ადამიანი დაიღუპა.

რამდენიმე აფეთქება მოხდა ქალაქ ჯაბლაშიც. ადგილობივი გამოცემა "სანას" ცნობით, ჯაბლაში ავტობუსს რაკეტები დაეცა, რასაც 45 ადამიანი ემსხვერპლა.

ორივე ქალაქი სირიის სამთავრობო ძალების კონტროლქვეშ იმყოფება და სირიის პროვინცია ლატაკიაში მდებარეობს.