ავღანელი თალიბების ერთერთი სამხედრო მეთაური, მულა აბდულ რაუფი ადასტურებს, რომ მათი ლიდერი, მულა ახტარ მანსური ამერიკული უპილოტო თვითმფრეინავების თავდასხმის შედეგად დაიღუპა.

ადრე ამის შესახებ ინფორმაცია პენტაგონმაც გაავრცელა. მანსური ავღანეთ პაკისტანის საზღვრის მიმდებარე რაიონში მოკლეს.

ამერიკულმა უპილოტო თვითმფრინავებმა წერტილოვანი დარტყმა მიაყენეს ავტომობილით მიმავალ ორ პიროვნებას, რომელთაგან ერთერთი ახტარ მანსური იყო. დაიღუპა მეორე ტერორისტიც. ადგილობრივი მოსახლეობიდან არავინ დაშავებულა.