როგორც უცხოური მედია იუწყება, მალაიზიური ბოინგის MH17-ის ჩამოგდების გამო, რამდენიმე ავსტრალიელმა, მალაიზიელმა და ახლზელანდიელმა ოჯახმა რუსეთის პრეზიდენტ ვლადიმერ პუტინს ევროსასამართლოში უჩივლა.

ამის შესახებ ინფორმაციას საადვოკატო ფირმა LHD Lawyers-ი ავრცელებს. სარჩელი სავარაუდოდ 9 მაისს არის შეტანილი და მოსარჩელეები რუსეთის სახელმწიფოსაგან და მისი პრეზიდენტისაგან თითოეულ დაღუპულ ოჯახზე 10 000 000 დოლარის გადახდას სთხოვენ.

სარჩელს 33 ადამიანი აწერს ხელს. როგორც მოგეხსენებათ, საერთაშორისო გამოძიების მიერ დადასტურებულია, რომ ბოინგი რუსული წარმოების იარაღითაა ჩამოგდებული.