ევროკავშირის შინაგანი საქმეების საბჭოს გადაწყვეტილებით, წინადადება, უვიზო მიმოსვლის სწრაფი შეჩერების მექანიზმის შესახებ, მიღებულია.

მექანიზმი უვიზო რეჟიმის დროებით შეჩერებას ითვალისწინებს იმ შემთხვევაში, თუ მესამე ქვეყანამ ვიზალიბერალიზაციით გათვალისწინებული პირობები დაარღვია.

აღნიშნული გადაწყვეტილებით, შეჩერების მოქმედების მანამდე არსებული 6 თვიანი ვადა 2 თვემდე შემცირდა, ასევე გაიზარდა შეჩერების საფუძვლების არეალიც.

ახალი წესის მიხედვით, ევროკომისიას ასევე ეძლევა უფლება შეაჩეროს უვიზო მიმოსვლა ქვეყანასთან, რომელიც არ შეასრულებს რეადმისიით ნაკისრ ვალდებულებებს.

საბჭოს მიერ მიღებული გადაწყვეტილებით, შეწყვეტის საფუძვლად ასევე დასახელებულია უვიზო მიმოსვლით მოსარგებლე პირების მხრიდან 90 დღიანი რეჟიმის მასიური გადაცილება და მასიური არალეგალური დარჩენა შენგენის ზონაში უვიზო მიმოსვლის მქონე ქვეყნის მოქალაქეთა მხრიდან.

როგორც ევროკავშირის საბჭოში განმარტავენ, ამჟამად არსებული რეგულაციით, სავიზო რეჟიმის შეჩერების მექანიზმი რთული პროცედურაა. ძველი მექანიზმით, უვიზო მიმოსვლის შეჩერების 6-დან 9 თვემდე დადგენილ პროცედურას ითვალისწინებდა, რაც ინიციატორი ქვეყნების აზრით, არაგონივრულად ხანგრძლივი პერიოდია. ახალი წესით, შეჩერების მაქსიმალურ ვადად 12 თვე არის განსაზღვრული.