Marriott-ის ბრენდის ქვეშ სამი სასტუმრო ერთიანდება- მათ შორის 2 "პანორამა თბილისის" ფარგლებში მშენებარე

ბიზნესი & ეკონომიკა - 18:01, 20 May, 2016

2241

სასტუმროების საერთაშორისო ქსელ "მარიოტსა" და თანაინვესტირების ფონდს შორის ხელშეკრულებას გაფორმდა, რომლის თანახმად, პროექტ „პანორამა თბილისის“ ფარგლებში მშენებარე ორი სასტუმრო და შეკვეთილში მშენებარე სასტუმრო და სპა კომპლექსი "მარიოტის" უმაღლესი კლასის ,,Autograph collection” ბრენდის ქვეშ გაერთიანდება.

თანაინვესტირების ფონდისა და Marriott-ის ერთობლივი პრეზენტაცია დღეს გაიმართა. პრეზენტაცია საქართველოს პრემიერ-მინისტრმა გიორგი კვირიკაშვილმა გახსნა.

„მნიშვნელოვნად მიმაჩნია, რომ Marriott-მა გადაწყვეტილების მიღებისას გაითვალისწინა სასტუმროების უნიკალური შერწყმა ლანდშაფტთან და გარემოსთან, აქცენტი გაკეთდა ასევე პროექტების ორიგინალობაზე, ეკოლოგიურობასა და ინდივიდუალიზმზე. მოხარული ვარ, რომ თანაინვესტირების ფონდსა და Marriott-ის წარმომადგენლობას შორის მოხდა ინტერესთა სრული თანხვედრა, და საქართველოს შეემატება უმაღლესი კლასის სასტუმროები, რაც ქვეყნის იმიჯსა და პრესტიჟს დადებითად იმოქმედებს. მინდა გისურვოთ წარმატება და გამოვთქვა იმედი, რომ ეს თანამშრომლობა ხელს შეუწყობს უფრო მეტი საინტერესო ბრენდისა და ინვესტიციის შემოსვლას საქართველოში”, - განაცხადა გიორგი კვირიკაშვილმა.