EgyptAir -ის გამცილებელმა, 2 წლით ადრე, ჩაძირული თვითმფრინავის ფონზე ფოტო გამოაქვეყნა (ფოტო)

მსოფლიო - 13:25, 20 May, 2016

11437

ორი დღის გაუჩინარებულ ეგვიპტურ თვითმფრინავს ამ დრომდე ეძებენ.
Dailymail-ი დღეს საინტერესო ინფორმაციას აქვეყნებს. შესაძლოა, ეს უბრალო დამთხვევაა ან პირიქით, ინფორმაციამ შესაძლია, თვითმფრინავის გაუჩინარების ფაქტს ფარდა ახადოს და ტერაქტის ვერსია დაადასტუროს.
როგორც აღმოჩნდა, EgyptAir-ის თვითმფრინავის A320-ის გამცილებელმა , 27 წლის ეგვიპტელმა სამარ ეზედინმა კატასტროფამდე ორი წლით ადრე სოციალურ ქსელში ჩაძირული თვითმფრინავის ფონზე ფოტო გამოაქვეყნა. ფოტოზე ჩანს, რომ სტიუარდესა ზღვიდან სველი ტანსაცმლით ამოდის, ხელში ჩემოდანი უჭირავს, უკანა ფონზე კი ჩაძირული თვითმფრინავის კუდი ჩანს.
გამოცემის თანახმად, სამარამ ფოტო 2014 წლის 26 სექტემბერს, ჯერ კიდევ მუშაობის დაწყებამდე 4 თვით ადრე გამოაქვეყნა.სამარ ეზედინი გაუჩნარებული ლაინერის ბორტზე იმყოფებოდა.

შეგახსენებთ, ავიაკომპანია Egypt Air-ის კუთვნილი სამგზავრო Airbus A320, რომელიც ფრენას პარიზიდან ქაიროს მიმართულებით ასრულებდა , კაიროს საჰაერო სივრცესთან მოახლოებისას გუშინ გაუჩინარდა.

თვითმფრინავის ბორტზე 66 ადამიანი - 56 მგზავრი და ეკიპაჟის 10 წევრი იმყოფებოდა.

რამდენიმე წუთის წინ გავრცეკებული ცნობით, მაშველებმა გაუჩინარებული ლაინერის ფრაგმენტები და მგზავრთა პირადი ნივთები ქალაქ ალექსანდრიიდან ჩრდილოეთით, 290 კილომეტრში აღმოაჩინეს. აღნიშნული ინფორმაცია დაადასტურა EgyptAir-ის წარმომადგენელმაც.

სამძებრო-სამაშველო ოპერაციებში ეგვიპტის, საბერძნეთის, დიდი ბრიტანეთის, საფრანგრეთის, კვიპროსის, იტალიისა და აშშ-ის გემები და ავიაციაა ჩართული. გუშინ გავრცელდა ინფორმაცია, რომ მაშველებმა ლაინერის ფრაგმენტები და 2 მგზავრის ცხედარი აღმოაჩინეს, თუმცა საბერძნეთის საჰაერო ინციდენტების მთავარმა გამომძიებელმა ატანასიოს ბინისმა დღეს ინფორმაცია უარყო.

ავიაკომპანიის წარმომადგენელის განცხადებით, გაუჩინარებიდან დაახლოებით 2 საათში განგაშის სიგნალი დაფიქსირდა.

ეგვიპტის სამოქალაქო ავიაციის მინისტრის შარიფ ფატჰის განცხადებით კი, ეგვიპტური ავიაკომპანიის კუთვნილისამგზავრო ლაინერის გაუჩინარების მიზეზი ტერაქტი ან მექანიკური დაზიანება უფროა, ვიდრე ტექნიკური გაუმართაობა.