ეგვიპტის სამოქალაქო ავიაციის მინისტრის შარიფ ფატჰის განცხადებით, ეგვიპტური ავიაკომაპიის კუთვნილი სამგზავრო ლაინერის გაუჩინარების მიზეზი ტერაქტი ან მექანიკური დაზიანება უფროა, ვიდრე ტექნიკური გაუმართაობა.

„როიტესრის“ ცნობით, ამის შესახებ მინისტრმა კაიროში გამართულ პრესკონფერენციაზე განაცხადა. მისივე თქმით, სანამ ლაინერის ნამსხვრევები ნაპივნი არ იქნება, თვითმფრინავი გაუჩინარებულად ითვლება.

მინისტრმა ასევე აღნიშნა, რომ თვითმფრინავის ბორტზე ეგვიპტის სპეცსამსახურების თანამშრომლები იმყოფებოდნენ.

ავიაკომპანია Egypt Air-ის კუთვნილი სამგზავრო Airbus A320, რომელიც ფრენას პარიზიდან ქაიროს მიმართულებით ასრულებდა , კაიროს საჰაერო სივრცესთან მოახლოებისას გაუჩინარდა.

თვითმფრინავის ბორტზე 66 ადამიანი - 56 მგზავრი და ეკიპაჟის 10 წევრი იმყოფებოდა.

ავიალაინერის ჩამოვარდნის სავარაუდო ადგილად საბერძნეთის კუნძულ კარპატოსის მიმდებარე ტერიტორია მიიჩნევა. სამძებრო ოპერაციაში საბერძნეთისა და ეგვიპტის შეიარაღებული ძალები მონაწილეობენ. გემებისა და თვითმფრინავების გაგზავნის შესახებ საფრანგეთმაც განაცხადა.

ავიაკომპანიის წარმომადგენელის განცხადებით, გაუჩინარებიდან დაახლოებით 2 საათში განგაშის სიგნალი დაფიქსირდა.

საბერძნეთის თავდაცვის მინისტრის, პანოს კამენოსის განცხადებით, გაუჩინარებამდე, ეგვიპტური ავიაკომპანიის კუთვნილმა სამგზავრო თვითმფრინავმა რამდენიმე მკვეთრი მანევრი გააკეთა და დაშვება დაწყო.