საბერძნეთის თავდაცვის მინისტრის, პანოს კამენოსის განცხადებით, გაუჩინარებამდე, ეგვიპტური ავიაკომპანიის კუთვნილმა სამგზავრო თვითმფრინავმა რამდენიმე მკვეთრი მანევრი გააკეთა და დაშვება დაწყო.

მისი თქმით, რადარებიდან გაქრობამდე თვითმფრინავი ეგვიპტის საჰაერო სივრცეში 11,3 კილომეტრის სიმაღლეზე იმყოფებოდა.

“ ეგვიპტის საჰაერო სივრცეში შესვლისთანავე ლაინერმა მანევრების კეთება დაიწყო, კერძოდ: მარცხნივ 90 გრადუსით, შემდეგ 360 გრადუსით მარჯვნივ, შემდეგ 11 ათასი კილომეტრის სიმაღლიდან 3 ათას კილომეტრის სიმაღლემდე დაეშვა, რის შემდეგაც გაუჩინარდა” - განაცხადა საბერძნეთის თავდაცვის მინისტრმა.

ეგვიპტის ხელისუფლებამ თვითმფრინავის ჩამოვარდნა ოფიციალურად დაადასტურა. ავიალაინერის ჩამოვარდნის სავარაუდო ადგილად საბერძნეთის კუნძულ კარპატოსის მიმდებარე ტერიტორია მიიჩნევა. სამძებრო ოპერაციაში საბერძნეთისა და ეგვიპტის შეიარაღებული ძალები მონაწილეობენ. გემებისა და თვითმფრინავების გაგზავნის შესახებ საფრანგეთმაც განაცხადა.

ავიაკომპანია Egypt Air-ის კუთვნილი სამგზავრო Airbus A320, რომელიც ფრენას პარიზიდან ქაიროს მიმართულებით ასრულებდა , კაიროს საჰაერო სივრცესთან მოახლოებისას გაუჩინარდა.

თვითმფრინავის ბორტზე 66 ადამიანი - 56 მგზავრი და ეკიპაჟის 10 წევრი იმყოფებოდა.

ავიაკომპანიის წარმომადგენელის განცხადებით, გაუჩინარებიდან დაახლოებით 2 საათში განგაშის სიგნალი დაფიქსირდა.

ეგვიპტის პრემიერ-მინისტრი შერიფ ისმაილი არ გამორცხივს, რომ ავიაკომპანია Egypt Air-ის კუთვნილი სამგზავრო თვითმფრინავის გაუჩინარება, ტერორისტულ აქტთან იყოს დაკავშირებული.