გამომძიებლებმა, ბრიუსელის ტერაქტში ეჭვმიტანილი მუჰამედ აბრინის წერილი აღმოაჩინეს

მსოფლიო - 16:28, 18 May, 2016

4231

ბელგიელმა გამომძიებლებმა ბრიუსელის ტერაქტში ეჭვმიტანილის - მუჰამედ აბრინის წერილი აღმოაჩინეს. აბრინი აპრილში დააკავეს. ოის ზავენტემის აეროპორტის სათვალთვალო კამერებმა თვითმკვლელ ტერორისტებთან ერთად დააფიქსირეს.
ფრანგული მედიის ცნობით, წერილი ნაგვის ურნაში გადაგდებულ კომპიუტერში იყო. წერილში აღნიშნულია, რომ აბრინი მიესალმება გასული წლის ნოემბერში პარიზში განხორციელებულ თავდასხმებს. და სურს , ანალოგიური, მოწამეობრივი სიკვდილით აღესრულოს. როგორც გამომძიებლები ამბობენ, ეჭვმიტანილს კომპიუტერიდან აღნიშნული წერილის წაშლა სცადა, თუმცა გამომძიებლებმა მისი აღდგენა შეძლეს. აღსანიშნავია, რომ მუჰამედ აბრინი ბრიუსელის ტერაქტებში ეჭვმიტანილებს შორის ერთადერთია, ვინც ცოცხალი გადარჩა.
გამომძიებლების ცნობით, იგი პარიზში გასულ წელს მომხდარი ტერატის განხორციელებაშიც მონაწილეობდა.
შეგახსენებთ, ე.წ „ისლამური სახელმწიფოს’" ტერორისტებმა ბელგიის დედაქალაქში 22 მარტს ტერაქტები განახორციელეს. აფეთქებების შედეგად 32 ადამიანი დაიღუპა, 300-ზე მეტი კი დაშავდა. 2015 წლის 13 ნოემბერს, პარიზში განხორციელებულ ტერაქტებს კი 128 ადამიანი ემსხვერპლა, დაშავდა 200-მდე ადამიანი.