საუდის არაბეთის მთავარი სასულიერო პირის, აბდულ აზიზ ბინ-აბდულა ალ-შეიხის განცხადებით, მანქანის მართვა ქალებისათვის კვლავ აკრძალული დარჩება რადგან , „ ეს ქალებისათვის საშიშია და მანქანის მართვამ ქალები შესაძლოა, ეშმაკებად გადააქციოს“.

ამის შესახებ დიდმა მუფტმა ერთ-ერთ რელიგიურ ტელეარხზე გამოსვლისას განაცხადა.

მისივე თქმით, გარდა ამისა, თუკი ქალებს მანქანის ტარების უფლება მიეცემათ, ხშირად ოჯახის წევრებს არ ეცოდინებათ , სად იმყოფებიან ისინი.

ქალთა უფლებები საუდის არაბეთში დიდ პრობლემას წარმოადგენს. არჩევნებში ხმის მიცემის უფლება ქალებმა შარშან მოიპოვეს.

რაც შეეხება მანქანის მართვას , საუდის არაბეთში მართვის მოწმობას ქალებზე არ გასცემენ.

საუდის არაბეთის დიდი მუფტი განსაკუთრებული რადიკალიზმით გამოირჩევა. რამდენიმე თვის წინ, მან მოქალაქეებს ჭადრაკის თამაში აუკრძალა, რადგა მისი აზრით ეს„მტრობასა და შუღლს“ წარმოაჩენს.