თურქეთისთვის სავიზო რეჟიმის გაუქმება, ევროპაში ტერორისტული თავდასხმების რისკებს ზრდის

თურქეთისთვის სავიზო რეჟიმის გაუქმება, ევროპაში ტერორისტული თავდასხმების რისკებს ზრდის - The Telegraph

მსოფლიო - 11:19, 17 May, 2016

3313

თურქეთისთვის სავიზო რეჟიმის გაუქმების შემთხვევაში, ევროპაში ტერაქტების საფრთხე გაიზარდება. ამის შესახებ გავლენიანი ბრიტანული გამოცემა The Telegraph ევროკომისიის ანგარიშზე დაყრდნობით წერს.

გამოცემის თანახმად, როგორც დოკუმენტშია აღნიშნული, უცხოელი ტერორისტები და კრიმინალური ჯგუფები ეცდებიან თურქული პასპორტის აღებას, რათა შემდეგ ევროპაში უვიზოდ ჩავიდნენ. ანგარიშის ავტორები ვარაუდობენ, რომ ტერორისტები ეცდებიან ევროკავშირში შეღწევას თურქეთში გაცემული სხვისი პასპორტების გამოყენებით.
ევროკავშირსა და ანკარას შორის მიღწეული შეთანხმება თურქეთისთვის უვიზო რეჟიმის დაწესებას ითვალისწინებს, სანაცვლოდ კი ანკარამ საბერძნეთში გადასული ლტოლვილები უკან უნდა მიიღოს.
ამასთანავე, "ტელეგრაფი" წერს, რომ ევროკომისიამ ცოტა ხნის წინა წარადგინა ვიზელიბერალიზაციის საკანონმდებლო ინიციტივა კოსოვოსთვის, უკრაინისთვის და საქართველოსთვის, "რომლებსაც ასევე ორგანიზებული დანაშაულის გამო პრობლემები აქვთ."

უვიზო მიმოსვლა ოფიციალურ ანკარასა და ევროკავშირს შორის მარტში მიღწეული შეთანხმების ნაწილია, რომლის მიხედვითაც, თურქეთი საბერძნეთის ტერიტორიაზე გადასულ მიგრანტებს თურქეთში დააბრუნებს და სპეციალურ ბანაკებში მათ ცხოვრებას უზრუნველყოფს.

ევროკომისიამ თურქეთის მოქალაქეებისთვის სავიზო რეჟიმის გაუქმების წინადადებაც წარადგინა, თუმცა სავიზო რეჟიმის გაუქმების შესახებ საკანონმდბელო ინიციატივაზე მუშაობა შეაჩერა. სავიზო რეჟიმის გაუქმების სანაცვლოდ, ბრიუსელი ანკარისგან ანტიტერორისტულ კანონმდებლობაში ცვლილებების შეტანას და ტერორიზმის განსაზღვრების შევიწროვებას ითხოვს. თურქეთის პრეზიდენტი კი ანტიტერორისტული კანონის შეცვლაზე უარს აცხადებს.