კვიპროსის რესპუბლიკისა და ჩრდილოეთ კვიპროსის ლიდერები მზად არიან, კუნძული გააერთიანონ

მსოფლიო - 18:08, 16 May, 2016

2096

კვიპროსის რესპუბლიკისა და ჩრდილოეთ კვიპროსის ლიდერებმა განაცხადეს, რომ მზად არიან არსებული პრობლემები წელს მოაგვარონ და კუნძული გააერთიანონ.

როგორც დასავლური მედია cyprus-mail-ზე დაყრდნობით ტყობინება, ბერძნული და თურქული კვიპროსის ლიდერების, ნიკოს ანასტასიადისა და მუსტაფა აკინჯის ერთობლივ განცხადებაში ნათქვამია, რომ სირთულეები კვლავ არსებობს, მაგრამ მხარეები მზად არიან, დასარეგულირებელ საკითხებზე მუშაობა განაგრძონ.

„დღეს, ჩვენ ვზეიმობთ მოლაპარაკების დაწყების წლისთავს. ჩვენი ვალდებულებაა სისტემატიურად ვიმუშაოთ არსებულ პრობლემურ საკითხებზე. ეს წელი იყო საკმაოდ ნაყოფიერი. ჩვენი მიზანი ერთია - მომგებიანი გადაწყვეტილების მიღება, რომელიც ერთიანი კვიპროსის ინტერესებს ითვალისწინებს“ - ნათქვამია განცხადებაში.

კვიპროსის კუნძულზე ორი სახელმწიფო არსებობს - ჩრდილოეთ კვიპროსის თურქული რესპუბლიკა, რომელიც ოფიციალურად მხოლოდ თურქეთმა აღიარა და რესპუბლიკა კვიპროსი, რომელიც საერთაშორისოდ არის აღიარებული.

2004 წელს გაერო-მ კვიპროსის გაერთიანების გეგმა შეიმუშავა, თუმცა რეფერენდუმზე რესპუბლიკა კვიპროსის მოსახლეობამ გეგმას მხარი არ დაუჭირა.