ნიკოლაძის განცხადებით, ეჭვმიტანილების ბინების ჩხრეკისას კონსტიტუციური უსაფრთხოების დაცვის დეპარტამენტმა მილიონ შვიდასი ათასი ევროს ოდენობის თანხა ამოიღო, თუმცა, იმის ნაცვლად, რომ ფული ეროვნულ ბანკში გადარიცხულიყო, ის კუდის ყოფილმა მაღალჩინოსნებმა მიითვისეს.

კიდევ ერთი ფაქტი, სადაც ადვოკატის განცხადებით, მათი დანაშაულებრივი ქმედებები იკვეთება, ვაკეში მდებარე რიტუალების სახლს უკავშირდება. საიდანაც მათ 700 ათასი ლარის ღირებულების ინვენტარი გაიტაცეს.

ადვოკატი ძალოვან უწყებებს მიმართავს და აღნიშნული საკითხით დაინტერესებისკენ მოუწოდებს.

"საუბარი იყო სისიხლის სამართლის საქმეზე, რომელიც შეეხებოდა კოკაინის ტრანზიტის ფაქტს. ამოღებული თანხა, მილიონ შვიდასი ათასი ევროს ოდენობით, პირადად იქნა მითვისებული, კუდის ყოფილი მაღალჩინოსნების, დათა ახალაიას, სოსო თოფურიძისა და სხვა პირთა მიერ. ჩვენს მიერ მოპოვებული მტკიცებულებებით ასევე დასტურდება, რომ პირადად ახალაიას მითითებით დარბეულ იქნა, სარიტუალო დარბაზი, საიდანაც 350 ათასი ევროს ღირებულების ნივთები იქნა წაღებული. ვთხოვთ პროკურატურასა და შინაგან საქმეთა სამინისტროს პასუხი გაგვცეს აღნიშნულ კითხვენზე", - განაცხადა ნიკოლაძემ.