დღეს ბეატი პრინსლუს დაბადების დღეა - ადამ ლევინის მთავარი ქალბატონი 29 წლის გახდა (ფოტოკოლაჟი)

ეს საინტერესოა - 14:58, 16 May, 2018

7594

Victoria’s Secret-ის ანგელოზი, Maroon 5-ის სოლისტის ადამ ლევინის მოდელი მეუღლე, ბეატი პრინსლუ დღეს იუბილარია. 16 მაისს მოდელს 29 წელი შეუსრულდა.

ბეატი სამხრედ აფრიკაში დაიბადა და გრუთფონტეინში, ნამიბიაში გაიზარდა. 16 წლის იყო, როდესაც არდადეგებზე კეიპ თაუნში იმყოფებოდა. სადაც Storm Model Management-ის დამფუძნებელმა სარა დუკასმა აღმოჩინა (მისი აღმოჩენაა კეიტ მოსიც).

ბეატი პრინსლუს სამოდელო კარიერა დიდი წარმატებით განვითარდა. მას გაუვლია ისეთი ბრენდების ჩვენებებზე, როგორიცაა Chanel. Prada, Louis Vuitton, Alexander McQueen, MaxMara, Lacoste, Miu-Miu და სხვა .

ბეარი პრინსლუმ დაამშვენა ისეთი დონის ჟურნალების გარეკანები, როგორიცაა „ტელეგრაფი“, იტალიური Muse, ესპანური, მექსიკური, რუსული ვოგი, ასევე ფრანგული, შვედური და იტალიური Elle და სხვა.

2007 წლიდან ის ყოველწლიურად გამოდის Victoria’s Secret-ის ჩვენებებზე. 2009 წელს კი ოფიციალურად გახდა ანგელოზი.

მოდის სფეროში მას ყველაზე მხიარულ და კომფორტულ ადამიანად მოიხსენებენ.

ბეატი პრინსლუსა და ადამ ლევინს ორი გოგონა ჰყავთ. წყვილს პირველი შვილი დასთი როუზ ლევინი გასული წლის 21 სექტემბერს ეყოლა. დასთი ამჟამად ერთი წლის არის. მეორე გოგონას გეო გრეისის მშობლები კი მიმდინარე წლის თებერვალში გახდნენ,

ერთ-ერთმა ყველაზე ლამაზმა ვარსკვლავურმა წყვილმა 2013 წელს მექსიკაში საიდუმლოდ იქორწინა.