მინისტრის განცხადებით, აუცილებელია შეიქმნას კომისია, რომელიც მსგავს საქმეებს შეისწავლის. სუბარმა აღნიშნა, რომ მოშიმშილე პატიმრებს ყურადღებას თავად მიაქცევს.

შეგახსენებთ, რომ გლდანის #8-ე დაწესებულებაში სამუდამო პატიმრობა მისჯილი 70-მდე პატიმარი შიმშილობს. პატიმრები საკუთარი საქმეების გადახედვასა და პაემნების საკითხის მოგვარებას მოითხოვენ. პატიმრებმა შიმშილობა გუშინ გამოაცხადეს და მათ მოთხოვნებს სახალხო დამცველიც გამოეხმაურა. სუბარი საკითხის შესწავლას გეგმავს.

"ისინი სასამართლო გადაწყვეტილებების გადახედვას ითხოვენ და ეს ჩვენი პრეროგატივა არ არის. ლაპარაკი იმაზე, რომ არცერთ მათგანს არ ჩაუდენია დანაშაული, არასერიოზული იქნება. თუმცა, შესაძლებელია, რომ ზოგიერთი საქმე გადახედვასაც ექვემდებარებოდეს, ეს უკვე პროკურატურის და შემდგომ სასამართლოს პრეროგატივაა. რა თქმა უნდა, როცა ადამიანი შიმშილობს, მას განსაკუთრებული ყურადღება ესაჭიროება და ჩვენ მაქსიმალურ ყურადღებას გამოვიჩენთ:, - განაცხადა სოზარ სუბარმა.