რუსი პოლიტიკოსები "ევროვიზიის" მუსიკალურ კონკურსის შედეგებს აკრიტიკებენ და აცხადებენ, რომ 2017 წელს რუსეთმა კონკურსში მონაწილეობა არ უნდა მიიღოს. როგორც ცნობილია, ევროვიზიაზე უკრაინელმა მომღერალმა ჯამალამ გაიმარჯვა, რომლის სიმღერაც მისი სიმღერაც ”1944” ყირიმელი თათრების მიერ გადატანილ ტრაგედიას ეხებოდა. ჯამალა ეთნიკურად სწორედ ყირიმელი თათარია. რუსეთის წარმომადგენელმა სერგეი ლაზარევმა მესამე ადგილი დაიკავა.

რუს პოლიტიკოსთა საერთო განწყობა ასეთია - "ევროვიზია" პოლიტიკური კონკურსია. მართალია, უკრაინელ მომღერალს შესანიშნავი მონაცემები აქვს, მაგრამ მათი კრიტიკა მისმა სიმღერამ გამოიწვია, რომელიც 1944-ში ყირიმელი თათრების დეპორტაციას ეხებოდა.

კერძოდ, დიმიტრი როგოზინმა განაცხადა, რომ მომავალ წელს კონკურსზე სერგეი შნუროვი უნდა გააგზავნონ. შეგახსენებთ, სერგეი შნუროვი თავისი ექსტრავაგანტული გამოსვლებით გამოირჩევა, რომელიც სიმღერის ტექსტში უცენზურო გამონათქვამებს იყენებს, ხოლო ერთერთ კონცერტზე შიშველი გამოვიდა.

სიმღერის თემატიკა გააკრიტიკა დუმის საერთაშორისო ურთიერთობათა კომიტეტის თავმჯდომარემ ალექსეი პუშკოვმა და განაცხადა, რომ თუ ეს ტენდენცია კვლავ გაგრძელდა, ბელორუსებმა ხატინის ტრაგედიაზე უნდა იმღერონ, ხოლო რუსებმა - ოდესის ტრაგედიაზე.