ერაყის ერთ-ერთ კაფეში რადიკალური ექსტრემისტული დაჯგუფება „ისლამური სახელმწიფოს“ ჯიჰადისტებმა ნამდვილი სასაკლაო მოაწყვეს. ტერორისტები საფეხბურთო კლუბ „მადრიდის რეალის“ გულშემატკივრების თავშეყრის ადგილს დაესხნენ თავს. ჯიჰადისტებმა 16 ადამიანი მოკლეს, დაშავებულია 30 ადამიანი.

ინციდენტი ბალადაში, ბაღდადის ჩრდილოეთით მოხდა.

როგორც თვითმხილველები აცხადებენ, ცეცხლსასროლი იარაღით შეიარაღებული 6 ტერორისტი კაფეში შეიჭრა და სროლა ატეხა.

ISIS-სმა თავდახმსაზე პასუხისმგებლობა უკვე აიღო .
როგორც ადგილობრივი მედია წერს, ფეხბურთის მოყვარულები, რომელთაც სახლში ტელევიზორი არ აქვთ, ხშირად იკრიბებიან ბაღდადში, ზემოთაღნიშულ კაფეში მატჩების საყურებლად.

თავდამსხმელები ადგილობირივი სამართალდამცავების მსგავს ფორმაში იყვნენ გამოწყობილები. ისინი შემთხვევის ადგილიდან მიიმალნენ.