მადრიდის სამხრეთით ძველი საბურავების უმსხვილესი ნაგავსაყრელი იწვის. რის გამოც ესპანეთის დედაქალაქი შავი კვამლის ღრუბელმა დაფარა. ესპანეთის ხელისუფლება მოსახლეობას სახლში დარჩენისკენ მოუწოდებს და აფრთხილებს, რომ ფანჯრები დახურონ.

პროვინცია ტოლედოში სადაც აღნიშნული ნაგავსაყრელი მდებარეობს საგანგებო მდგომარეობაა გამოცხადებული. ცეცხლის ჩაქრობას ათეულობით სახანძრო ბრიგადა სპეციალური ტექნიკისა და ვერტმფრენების გამოყენებით ცდილობს.

აღნიშნული ნაგავსაყრელი არაერთხელ გამხდარა ეკოლოგების და ბუნების დამცველების კრიტიკის საგანი. ისინი აღნიშნულ ფაქტსაც გამოეხმაურნენ , მათი თქმით რეზინის საბურავების წვის შედეგად ჰაერში ტოქსიკური ნივთიერებები გამოიყოფა, რაც ადამიანის ჯანმრთელობას საფრთხეს უქმნის და გარემოს აზარალებს.