72 წლის ინდოელ ქალბატონს დალჯინერ კაურსა და მის 79 წლის მეუღლეს, მოჰინდერ სინგჰ გილს 46-წლიანი უშვილობის შემდეგ, პირველი ბავშვი შეეძინათ. ისინი 2 წელია ინ-ვიტრო განაყოფიერების ცენტრში მკურნალობდნენ.

ქალის ასაკი ზუსტად არავინ იცის. ექიმების თქმით დაახლოებით 72 წლისაა. დალჯინერს დაბადების მოწმობა არ აქვს და ეს ინდოეთში არც ისე იშვიათი შემთხვევაა.

პატარას, რომელიც 2 კგ დაიბადა, სახელად არმანი დაარქვეს . ექიმების თქმით, ის სავსებით ჯანმრთელი ბავშვია.

ინდოელი დედა, სავარაუდოდ ერთ-ერთი ყველაზე ასაკოვანი ქალია, რომელმაც შვილი გააჩინა.