სოფელი, სადაც ყოველ მეხუთე ოჯახში ტყუპია - ადგილობრივების აზრით, ამის მიზეზი სოფლის წყაროა (ფოტო)

ეს საინტერესოა - 17:01, 11 May, 2016

46994

უკრაინული სოფელი ველიკაია კოპანია ერთი შეხედვით სხვა სოფლებისგან არაფრით არ განსხვავდება, თუმცა მას ადგილობრივი და მსოფლიო მედია ხშირად ახსენებს. საქმე იმაშია, რომ სოფელი ტყუპების განსაკუთრებული სიმრავლით გამოირჩევა, ყოველ მეხუთე ოჯახში ტყუპი ცხოვრობს. სწორედ ამიტომ ამ ადგილს „ტყუპების დედაქალაქს“ უწოდებენ, 4000 მოსახლეზე 122 ტყუპი მოდის. ტყუპების მასობრივი გაჩენა 1940 წლიდან დაიწყო, ამიტომ აქ შეხვდებით, როგორც ერთნაირი გარეგნობის მოხუცებს ასევე, ახალშობილ ტყუპებსაც.

ადგილობრივები ამ მოვლენას არა მოსახლეობის განსაკუთრებულ გენეტიკას არამედ სოფელში არსებულ წყაროს უკავშირებენ, რომლის წყლის შემადგენლობაც მათი თქმით შობადობის სტიმულირებას ახდენს. მათ მაგალიტად მოჰყავთ ერთი უშვილო ქალი, რომელიც მათ სოფელში ჩამოვიდა, აღნიშნული წყალი დალია და გარკვეული ხნის შემდეგ მანაც ტყუპები გააჩინა. სწორედ ამიტომ ამ სოფლის წყარო განსაკუთრებულად პოპულარულია უშვილო წყვილებში.

მეცნიერებმა აღნიშნული წყლის ექსპერტიზა ჩაატარეს და აღმოაჩინეს, რომ მასში სელენიუმის ჭარბი შემადგენლობაა. წყაროს „სასწაულმოქმედებაში“ დარწმუნებულია ადგილობრივი ეკლესიაც.