გაერო თურქი სამხედროების ქმედებების გამოძიებას ითხოვს

მსოფლიო - 16:15, 10 May, 2016

2277

გაერო თურქეთის სამხრეთ-აღმოსავლეთ ნაწილში სამხედროების ქმედებების გამოძიებას ითხოვს.

"ბიბისის" ცნობით, გაეროს ადამიანის უფლებების უმაღლესმა კომისარმა ზეიდ რაად ალ-ჰუსეინმა, თურქეთის ხელისუფლებისგან მოითხოვა, მისცეს საშუალება დამოუკიდებელ დამკვირვებლებს, თურქეთის სამხრეთ-აღმოსავლეთში ჩავიდნენ.

როგორც კომისარის განცხადებაშია აღნიშნული, გაერომ შემაშოთებელი ინფორმაცია მიიღო , ქალაქ ჯიზრაში გასული წლის დეკემბრიდან მიმდინარე წლის მარტამდე , თურქი სამხედროების მიერ ჩადენილი დანაშაულების შესახებ.

მიღებული ინფორმაციის თანახმად, თურქი სნაიპერები და უსაფრთხოების ძალების წარმომადგენლები, მშვიდობიანი მოქალაქეების, მათ შორის ქალებისა და ბავშვების დაღუპვაზე არიან პასუხისმგებლები.

გარდა ამისა, არსებობს ინფორმაცია წამების, უკანონო დაკავებებისა და ჯიზრეს ინფრასტრუქტურის განადგურების შესახებაც. ამავდროულად, გაერისთვის მიწოდებული ინფორმაციით, თურქმა სამხედროებმა ქალაქ ჯიზრაში შენობების სარდაფებში დამალული ასზე მეტი ადამიანი ცოცხლად დაწვეს.

გასული წლის დეკემბერში , თურქეთის ხელისუფლებამ განაცხადა, რომ ჯიზრეში ქურთი სეპარატისტების თავდასხმები გახშირდა, რის გამოც კომენდანტის საათი გამოცხადდა.