რუსეთი განიხილავს NATO-s წინააღმდეგ ბირთვული იარაღის გამოყენების შესაძლებლობას განიხილავს და იმედოვნებს, რომ ალიანსი კაპიტულაციას გამოაცხადებს „პირობით ვარშავაზე“ დარტყმის შემდეგ, აცხადებს ამერიკელი გენერალი უესლი კლარკი, NATO-ს ევროპული შეიარაღებული ძალების ყოფილი მეთაური.

„სამხედრო წვრთნების მიმდინარეობის დროს რუსები ატომურ იარაღის გამოყენებას განმიხილავენ როგორც კონფლიქტის დაძაბულობის განმუხტვის მეთოდს. ეს კეთდება შემდეგნნაირად: თითქოს ისინი ახორციელებენ ბირთვულ დარტყმას ვთქვათ, ვარშავაზე, რის შემდეგდაც შეშფოთებული NATO საპასუხოდ ასეთ განცხადებას აკეთებს: „ღმერთო, რა სამწუხაროა, ჩვენ არ გვეგონა რომ ეს სერიოზულად მოხდებოდა. ჩვენ გნებდებით, შეგიძლიათ დაეუფლოთ იმას, რაც გსურდათ,“ - განაცხადა კლარკმა CNN-თან ინტერვიუში.

„ისინი ასე ფიქრობენ. სწორედ ამ მეთოდის დანერგვას ცდილობენ, თუმცა ძალიან დიდ შეცდომას უშვებენ. ყველაფერი ასე არ დასრულდება. არ დაგავიწყდეთ ისიც, რომ რუსეთი მჭიდრო კავშირშია დასავლეთთან ობლიგაციებით, ინვესტიციებით, ვალებითა და კომუნიკაციებით,“ - აფრთხილებს კლარკი რუსეთს.

NATO-ს ევროპული შეიარარებული ძალების ახალმა მეთაურმა კერტის სკაპოროტიმ ალიანსის წევრებს მოუწოდა, რომ მუდმივ მზადყოფნაშ იყვნენ, რათა რუსეთის აგრესიის მოგერიება შესძლონ.

ბრიუსელში გამოსვლისას მან აღნიშნა, რომ ჩრდილოატლანტიკური ალიანსი ამჟამად რუსეთის მზარდი რევანშიზმის წინაშე დგას, რომელიც ტავს ისე აცვენებს, თითქოს მსოფლიო მასშტაბის სახელმწიფო იყოს.

სარდლის ეს სიტყვები მოსკოვში გულზე მოხვდათ, ეწყინათ და განაცხადეს, რომ ახალი გენერალი მის წინამორბედ ფილიპ ბრიდლავს უსწრებს საომარი ისტერიის გაჩაღებაში. ხოლო 1 მაისს ბრიდლავმა The Wall Street Journal-ისთვის მიცემულ ინტერვიუში აღნიშნა, რომ აშშ-მ უფრო ტექნიკური დაზვერვის უფრო მეტი საშუალება უნდა გამოიყენოს რუსეთის სამხედრო პოტენციალის შესახებ სრული ინფორმაციის მოპოვებისათვის. მისი სიტყვებით, აშშ-მ სამხედრო დანიშნულების თანამგზავრების მეშვეობით მუდმივად უნდა ადევნოს თვალყური რუსეთის სამხედრო ნაწილების გადაადგილებას და ყურადღების მთავარი ფოკუსი პირველ რიგში რუსეთის საფრთხეზე უნდა მიაპყროს.