BBC-სთან ინტერვიუში დიდი ბრიტანეთის პრინცი ჰარი აცხადებს, რომ მის პირად ცხოვრებაში მუდმივი და უწყვეტი შეჭრა ხდება, რაც მას არ სიამოვნებს. მისი განცხადებით, მის პირად და საზოგადოებრივ ცხოვრებას შორის საზღვარი არ არსებობს.

"ყველას აქვს პირადი ცხოვრების უფლება. სამწუხაროდ, ჩემს პირად და საზოგადოებრივ ცხოვრებას შორის საზღვარი არ არსებობს, თუმცა, ყველმხრივ ვცდილობ, რომ ეს ზღვარი არსებობდეს. მე მესმის ჩვენი, სამეფო ოჯახის პრივილეგიები და ვგრძნობ მათზე პასუხისმგებლობას. მთელი ცხოვრება ვიმუშავებ, რომ ეს პრივილეგიები გავამართლო, ყურადღება მივაქციო იმ პრობლემებს, რომლებიც სხვა ადამიანებს აწუხებს," - აცხადებს პრინცი ჰარი.