ჩრდილოეთ კორეის ლიდერმა კიმ ჩენ ინმა განაცხადა, რომ მისი ქვეყანა ბირთვულ იარაღს მხოლოდ თავდაცვის მიზნით გამოიყენებს. აღნიშნული განცხადება მან კორეის მუშათა პარტიის ყრილობაზე გააკეთა.

მან ასევე განაცხადა, რომ ჩრდილო კორეა გააგრძელებს თავისი ბირთვული არსენალის გაძლიერებას, თუმცა არ აპირებს ბირთვული იარაღის გაუვრცელებლობის შეთანხმების დარღვევას.

კორეის ლიდერის განცხადებით, მის ქვეყანას ბევრი მტერი ყავს, თუმცა იგი კვლავ ეცდება მათთან ურთიერთობების ნორმალიზებას.

აღსანიშნავია, რომ კორეის მმართველი მუშათა პარტიის ყრილობა 40 წლის შემდეგ პირველად გაიმართა.