აქციის იდეა რამდენიმე ახალგაზრდული არასამთავრობო ორგანიზაციის წარმომადგენლებს ეკუთვნით. მათთან ერთად ყოფილი პარლამენტის შენობის წინ მოქალაქეებიც შეიკრიბნენ, თუმცა, აქცია მცირერიცხოვანი გამოდგა.

აქციის მონაწილეები აცხადებდნენ, რომ სამხედრო აღლუმის გამართვა დამოუკიდებლობის დღისადმი მიძღვნილ დღესასწაულზე დამოუკიდებლობის იდეის ერთგულება და ქართული ჯარის დაფასებაა და არა საბჭოთა გადმონაშთი. მათივე თქმით, სამხედრო აღლუმი დღემდე ტარდება მსოფლიოს ბევრ განვითარებულ ქვეყანაში.

აქციის მონაწილეებს ეჭირათ პლაკატები: "მოითხოვე აღლუმი!"; "სამხედრო აღლუმი უნდა ჩატარდეს!"; "იამაყე ქართული ჯარით!".