აქცია სამეგრელოს ახალგაზრდული საინიციატივო ჯგუფისა და არასამთავროვო ორგანიზაციათა კოალიციის "საზოგადოებრივი ინიციატივის" ეგიდით გაიმართა. როგორც ორგანიზატორებმა განაცხადეს აქცია-კონცერტის მიზანი იყო არ გაჩერდეს ის პროექტები, რომლებიც წინა ხელისუფლების დროს დაიწყო. მომღერლებთან ერთად ანაკლიას თბილისიდან ჩამოსული ბევრი ცნობილი სახე სტუმრობდა.

"ღონისძიების მთავარი მესიჯი არის "არ გააჩეროთ". ეს არის ახალგაზრდების მთავარი გზავნილი, რომ ანაკლიაში მშენებლობები დღეს არ უნდა გაჩერდეს. ჩვენ ახალგაზრდები ყოველთვის ვიდგებით ამ პოზიციაზე. ჩვენ ვიდგებით იქ, რასაც ჰქვია ანაკლიის მშენებლობა, " - განაცხადა სამეგრელოს ახალგაზრდული საინიციატივო ჯგუფის ლიდერმა ანი წითლიძემ.

ანი წითლიძის განცხადებით მომოღერლებს კონცერტისთვის ჰონორარი არ მიუღიათ და ისინი საკუთარი სურვილით ჩამოვიდნენ ანაკლიაში.