მოსკოვში, საკუთარ სახლში სადისტურად მოკლეს ახალი ამბების ნაციონალური სააგენტო НСН-ის რედაქტორი. გამოძიებით დადგინდა, რომ მკვლელობა 3 მაისს მოხდა. გვამი შვილთან სტუმრად ჩამოსულმა რუბცოვის დედამ იპოვა.

ჟურნალისტის სხეულზე აღმოჩენილია დიდი რაოდენობის ჭრილობები, რომლებიც მას მჭრელი საგნით აქვს მიყენებული. იგი აგრეთვე სასტიკად არის ნაცემი. ბინა გაძარცვულია.

გამომძიებლები ასევე აცხადებენ, რომ ეჭვმიტანილი უკვე დადგენილია და ამჟამად მისი ძებნა მიმდინარეობს. მათი ცნობით, რუბცოვმა თვად გაუღო მკვლელს კარი და შესაბამისად იგი მისი ნაცნობია.

ჟურნალისტი 35 წლის იყო. უკანასკნელი 2 წლის მანძილზე იგი იყო რადიოსადგურების «НАШЕ Радио», Rock FM, Best FM და «Радио JAZZ»-ის ახალი ამბების წამყვანი.