თურქეთის პრემიერ-მინისტრმა თანამდებობის დატოვების შესახებ განაცხადა

მსოფლიო - 17:19, 05 May, 2016

4304

თურქეთის პრემიერ-მინისტრმა აჰმეთ დავუთოღლუმ განაცხადა, რომ მმართველი პარტიის რიგგარეშე ყრილობაზე, 22 მაისს თანამდებობას დატოვებს.

The New York Times-ის ცნობით, ამის შესახებ დავუთოღლუმ პარტიის შტაბბინაში პრესკონფერენციისას განაცხადა."პრეზიდენტთან კოსნულტაციის შემდეგ, მივიღე გადაწყვეტილება, პარტიის ლიდერისა და პრემიერ-მინისტრის შეცვლა, უკეთესი იქნება" - განაცხადა მინისტრმა.

“სამართლიანობისა და განვითარების პარტიის” ყრილობა 22 მაისს არის დაგეგმილი.
დავუთოღლუს თანამდებობიდან წასვლის შესახებ ინფორმცია, დღეს დილით "როიტერსმა" გაავრცელა. გამოცემის თანახმად, თურქეთის მმართველი პარტია აჰმედ დავუთოღლუს ჩანაცვლებას რიგგარეშე ყრილობაზე გეგმავდა. აღნიშნული გადაწყვეტილების მიზეზი კი დავუთოღლუსა და პრეზიდენტ რეჯეპ ტაიპ ერდოღანს შორის არსებული დაპირისპირება იყო.

Reuters-ის ცნობით, აჰმეთ დავუთოღლუ მხარს არ უჭერს რეჯეპ ტაიპ ერდოღანის გეგმას, რომელიც პარლამენტის უფლებამოსილების შემცირებასა და პრეზიდენტის უფლებამოსილების გაზრდას ითვალისწინებს.
ვრცელდება ინფორმაცია, რომ თურქეთის პრემიერ-მინისტრის პოსტი შესაძლოა, ენერგეტიკის მინისტრმა და პრეზიდენტ რეეჯეპ ტაიპ ერდოღანის სიძემ, ბერატ ალბაირაკმა დაიკავოს.