აპრილის თვეში საქართველოში ტურისტების რეკორდული მაჩვენებელი დაფიქსირდა- ქუმსიშვილი

ბიზნესი & ეკონომიკა - 11:49, 04 May, 2016

2227

დიმიტრი ქუმსიშვილის განცხადებით აპრილის თვეში საქართველოში ტურისტების რეკორდული მაჩვენებელი დაფიქსირდა. აღნიშნულ თემაზე საქართველოს ეკონომიკის მინისტრმა დღეს გამართულ პრესკონფერენციაზე ისაუბრა.

ქუმსიშვილის ინფორმაციით აპრილის თვეში ქვეყანას 462 ათასზე მეტი ვიზიტორი ეწვია, რაც გასული წლის ანალოგიურ პერიოდთან შედარებით 17 % -იანი მატებაა

მინდა აღვნიშნო, რომ 24 საათზე მეტი ხნით დარჩენილი ვიზიტორების რიცხვი გაზრდილია 20%-ით. შესაბამისად, საერთაშორისო მეთოდოლოგიით, ესენი არიან სწორედაც რომ ტურისტები. შესამაბისად, ჩვენ ჯამურად, 4 თვის განმავლობაში 15 %-იანი ზრდა გვაქვს. წინა წლის აპრილში გვყავდა 394 ათასი საერთაშორისო ვიზიტორი, წელს აპრილში გვყავს 462 ათასი ვიზიტორი, ხოლო მთლიანად ოთხი თვის მანძილზე, თუ შარშან ჩვენ გვყავდა ანალოგიურ პერიოდში მილიონ 83 ათასი ვიზიტორი, ახლა გვყავს მილიონ 596 ათასი ვიზიტორი. თანხაში რომ გადავიყანოთ აღნიშნული ციფრი, უნდა გავამრავლოთ 700 ლარზე და, შესაბამისად 140 მილიონზე მეტია შემოსავალი ქვეყანაში”, - განაცხადა ეკონომიკის მინისტრმა. ვიცეპრემიერის თქმით აღნიშნული მაჩვენებლები მიუთითებს ახალ სამუშაო ადგილებსა და ვალუტის სიმყარეზე.

„ეს არის კონკრეტულად შემოსავლები ჩვენს ქვეყანაში, ეს არის შემოსავალი უცხოურ ვალუტაში, რაც აისახება კიდეც ეროვნულ ვალუტაზე. ძალიან კარგი რიცხვები გვაქვს და დარწმუნებული ვართ, მატება გვექნება შემდგომ თვეებშიც”, - განაცხადა დიმიტრი ქუმსიშვილმა.