საქართველოში შეჭრის შემდეგ, რუსეთმა სამხედრო პოტენციალი გააუმჯობესა

საქართველოში შეჭრის შემდეგ, რუსეთმა სამხედრო პოტენციალი გააუმჯობესა - ბრიდლავი

მსოფლიო - 11:40, 04 May, 2016

5516

აშშ-ის ევროპული სარდლობის მეთაურმა, გენერალმა ფილიპ ბრიდლავმა გამოცემა Wall Street Journal-ისთვის მიცემულ ინტერვიუში რუსეთთათ არსებულ დაძაბულ ურთიერთობასა და მის სამხედრო პოტენციალზე ისაუბრა. ერთ-ერთ ნაწილში გენერალმა საქართველოც ახსენა და აღნიშნა, 2008 წელს მიღებული გამოცდილებით, რუსეთმა სამხედრო ხარვეზები გამოასწორა, რაც კარგად გამოჩნდა ყირიმის მოვლენების დროს.

„რუსეთმა დაამტკიცა, რომ ჰყავს ნასწავლი და ადაპტირებული სამხედრო ძალა. მათ საქართველოში ძალიან ცუდად იმოქმედეს. როდესაც საქართველოში შეიჭრნენ, ძალიან პატარა ქვეყანამ რუსეთი საკმაოდ ცუდ დღეში ჩააგდო. ჩვენ დავინახეთ, როდესაც ისინი ყირიმში შევიდნენ, რომ მათ დიდი გზა გამოიარეს იმისათვის, რომ საქართველოში მიღებული გამოცდილებით თავიანთი ხარვეზები გამოესწორებინათ.

ვფიქრობ, „სიურპრიზი“ შესაძლოა ძალიან ძლიერი სიტყვაა, მაგრამ ჩვენთვის ნათელი იყო, რომ რუსეთმა მნიშვნელოვანად გააუმჯობესა საკუთარი შესაძლებლობები საქართველოდან ყირიმის მოვლენებამდე, რომ ისინი სწავლობდნენ და ადაპტირებას გადიოდნენ, შედეგად მათ შედარებით უკეთ იმოქმედეს მაშინ, როდესაც დონბასში შევიდნენ“ - განაცხადა ბრიდლავმა.