აშშ-ის სახელმწიფო დეპარტამენტის პრესსპიკერის, ჯონ კირბის განცხადებით, შეერთებული შტატები და რუსეთი სირიაში ცეცხლის შეწყვეტის შეთანხმების შესახებ მოლაპარაკებებში მონაწილეობის მისაღებად დამატებით წარმომადგენლებს გააგზავნიან.

კირბის თქმით, ამის შესახებ ჯონ კერიმ და სერგეი ლავროვმა სატელეფონო საუბრისას ისაუბრეს.

მისი თქმით, მოსკოვისა და ვაშინგტონის მხარდაჭერით, სირიაში ცეცხლის შეწყვეტის რეჟიმი უახლოეს მომავალში შევა ძალაში.

ჯონ კირბის განცხადებით, რუსეთმა სირიის ხელისუფლებაზე საკუთარი გავლენა უნდა გამოიყენოს და ცეცხლის შეწყვეტის შეთანხმების დაცვა აიძულოს.