ბაშარ ასადის არმია, რუსეთის ავიაციის მხარდაჭერით ახალი შეტევისათვის ემზადება. შეტევის მიმართულება დეირ ეზ ზორა და რაკკი იქნება. ამის შესახებ რუსეთის წარმომადგენელმა ალექსეი ბოროდავკინმა განაცხადა.

მისი განცხადებით, ცეცხლის შეწყვეტის შესახებ შეთანხმება არ ეხება "ისლამური სახელმწიფოსა" და "ჯებხატ ან-ნურსას" ტერორისტულ დაჯგუფებებს და შეტევა სწორედ მათ წინააღმდეგ განხორციელდება.

ამასთან, თანდათან ცხადი ხდება, რომ აღნიშნული შეთანხმება ფაქტიურად სულს ღაფავს, რადგან სირიის ოპოზიცია აცხადებს, რომ ასადის რეჟიმი ტერორისტული დაჯგუფების წინაარმდეგ განხორციელებული შეტევების საფარქვეშ, მათ პოზიციებსაც უტევს.