ნადეჟდა სავჩენკოს უკრაინისთვის გადაცემის პროცედურები დაიწყო

მსოფლიო - 10:44, 28 Apr, 2016

1542

რუსეთში დაპატიმრებული უკრაინელი სამხედრო მფრინავის, ნადეჟდა სავჩენკოს უკრაინისთვის გადაცემის პროცედურები დაიწყო.

როგორც სავჩენკოს დამ განაცხადა, ნადეჟდა სავჩენკო უკვე ავსებს საბუთებს, რომელიც მას საპატიმროს ხელმძღვანელობამ გადასცა.შეგახსენებთმ, 20 აპრილს რუსეთის იუსტიციის სამინისტრომ უკრაინის იუსტიციის სამინისტრომ სავჩენკოს კიევისთვის გადასაცემად საჭირო დოკუმენტების წარდგენის თხოვნით მიმართა. უწყებაში აღნიშნეს, რომ მსგავსი განაცხადის განსახილველად ვადები დადგენილი არ არის.

შეგახსენებთ, რუსეთის ქალაქ დონეცკის სასამართლომ ნადეჟდა სავჩენკო, რუსი ჟურნალისტების მკვლელობაში დამნაშავედ ცნო და მას 22 წლით თავისუფლების აღკვეთა მიუსაჯა.

სავჩენკოს ბრალად ედება იმ რუსი ჟურნალისტების მკვლელობა, რომლებიც უკრაინაში, ლუგანსკის ოლქში 2014 წლის ივნისში დაიღუპნენ. სავჩენკო ამ დრომდე ყველა ბრალდებას უარყოფს. მისი თქმით, ის რუსმა სეპარატისტებმა ჟურნალისტების დაღუპვამდე ტყვედ აიყვანეს და რუსულ მხარეს გადასცეს.

სავჩენკოს, უკრაინაში დაბრუნების მოთხოვნით მშრალი შიმშილობა ჰქონდა გამოცხადებული, რომელიც უკრაინის პრეზიდენტის თხოვნით, გუშინწინ შეწყვიტა.

პეტრო პოროშენკომ თავიდანვე განაცხადა, რომ მზად არის ნადეჟდა სავჩენკო ორ რუს სამხედრო მოსამსახურეზე, ალექსანდროვსა და ეროფეევზე გაცვალოს.

ეროფეევსა და ალექსანდროვს კიევის რაიონულმა სასამართლომ ტერორიზმის ბრალდებით 14-წლიანი თავისუფლების აღკვეთა 18 აპრილს მიუსაჯა.