თბილისის საქალაქო სასამართლოში ახალაიასა და მასთან ერთად ბრალდებულების პროცესს მოსამართლე გიორგი დარახველიძე უძღვებოდა. ბრალდების მხარის ერთ-ერთი მოწმის დავით შპეტიშვილის დაკითხვის დროს მოსამართლემ ბაჩო ახალაიას შენიშვნა მისცა, რადგან იგი მოწმესთან და პროკურორთან პოლემიკაში შევიდა.

მოსამართლემ გააფრთხილა ახალაია, რომ თუ შენიშვნას არ გაითვალისწინებდა, დარბაზიდან გააძევებდა. ახალაიამ მოსამართლეს უპასუხა, რომ თუ იგი მათ არ მოუსმენდა, ბევრს არაფერს დაკარგავდა, ამ პასუხის შემდეგ მოსამართლემ ახალაია სასამართლო დარბაზიდან გააძევა. ახალაიას გაძევების შემდეგ მისმა ადვოკატმა რომეო საჯაიამ, მოსამართლის გაფრთხილების მიუხედავად, სხდომა დატოვა.

საჯაია პროცესის დატოვების გამო მოსამართლემ 500 ლარით დააჯარიმა.