ნორვეგია, ანდერს ბრეივიკთან დაკავშირებით სასამართლოს განაჩენს გაასაჩივრებს

მსოფლიო - 10:55, 27 Apr, 2016

2535

ნორვეგია, 77 ადამიანის მკვლელობისთვის გასამართლებული, ანდერს ბრეივიკის სარჩელთან დაკავშირებით სასამართლოს მიერ გამოტანილ განაჩენს გაასაჩივრებს. ამის შესახებ ცნობილი, ქვეყნის იუსტიციის მინისტრის მიერ გავრცლებეული განცხადებიდან გახდა ცნობილი.ბრეივიკი ნორვეგიის მთავრობას ადამიანის უფლებათა ევროპული კონვენციის ორი მუხლის დარღვევაში ადანაშაულებდა. 20 აპრილს ოსლოს სასამართლომ მისი სარჩელი დააკმაყოფილა და დაადგინა, რომ ბრეივიკი ციხეში არაჰუმანური მოპყრობის მსხვერპლი გახდა.

ბრეივიკი აცხადევდა, რომ ხელისუფლებამ დაარღვია მისი პირადი და ოჯახური ცხოვრების, ასევე მიმოწერის უფლება. ნორვეგიის ხელისუფლებამ "ექტსრემისტული ქსელის" შექმნის თავიდან ასაცილებლად, მას მიმოწერა აუკრძალა. ასევე უკმაყოფილებას გამოთქვამდა იმის გამო, რომ ის სასჯელს მარტო იხდის და სხვა პატიმრებთან კონტაქტის უფლება არ აქვს. გარდა ამისა ითხოვს წიგნების პუბლიკაციის უფლებას.

ანდერს ბრეივიკი ამჟამად სასჯელს შიენის ციხეში იხდის, რომელიც ოსლოდან 100 კილომეტრში მდებარეობს. მისი საკანი 3 ოთახისგან შედგება - საძინებელი, სამუშაო ოთახი ( ტელევიზორი, DVD , Playstation, წიგნები) და სავარჯიშო ოთახი.

მანამ ის ილას საპატიმროში იმყოფებოდა, თუმცა საკნიდან ცუდი ხედი და Wi-Fi-ს სისწრაფე არ მოსწონდა. ასევე აპროტესტებდა იმასაც, რომ ყავა არასათანადოდ ცხელი მიჰქონდათ, არ აკმაყოფილებდა კარაქის დოზაც.

გასული წლის ივლისში კი ბრეივიკი ოსლოს უნივერსიტეტში ჩაირიცხა და პოლიტიკური მეცნიერებების ფაკულტეტზე განაგრძო სწავლა.

შეგახსენებთ ანდერს ბრეივიკმა 2011 წლის 22 ივლისს, ოსლოში აფეთქება მოაწყო რომელსაც 8 ადამიანის სიცოცხლე ემსხვერპლა, იმავე დღეს მან კუნძულ უტოიაზე ახალგაზრდული ბანაკში მყოფ ადამიანებს ცეცხლი გაუხსნა, რის შედეგადაც 69 ადამიანი დაიღუპა. მათ შორის იყო ქართველი სტუდენტი თამთა ლიპარტელიანიც. ბრეივიკს ნორვეგიის სასამართლომ 21 წლით თავისუფლების აღკვეთა მიუსაჯა. ის ამჟამად 37 წლისაა.