სირიაში, ქალაქ ალეპოში სამთავრობო ძალებმა ამბოხებულების მიერ კონტროლირებადი ტერიტორია და დამასკოს მახლობლად მდებარე დასახლება დაბომბეს, რასაც 30 მშვიდობიანი მოქალაქე ემსხვერპლა.

გავრცელებული ინფორმაციის თანახმად, დაღუპულთა შორის არიან ბავშვებიც. არ არის გამორიცხული, რომ მსხვერპლის რაოდენობა კიდევ უფრო გაიზარდოს. ავიაიერიშების შედეგად ათობით ადამიანი მძიმედ დაშავადა, ისინი სამედიცინო დაწესებულებაბეში არიან მოთავსებულნი.

შეერთებული შტატების პრეზიდენტმა BBC-თვის მიცემულ ინტერვიუში კიდევ ერთხელ გამორიცხა სირიაში სახმელეთო ჯარის გაგზავნა და აღნიშნა, რომ კრიზისი მხოლოდ სამხედრო გზებით ვერ გადაიჭრება.