კასაბიანმა ოპერაცია პოლისის გამოყენებით გაიეკეთა, თუმცა სამედიცინო დახმარება არჩევნების შემდეგ გაუუქმეს. მისი ჯანმრთელობის მდგომარეობა გართულებული თანდართული მეორე ჯგუფის დიაბეტითაცაა, როგორც თავად ამბობს, საჭირო ინსულინის დოზასაც ვერ იღებს, რადგან პროგრამაში ჩართვას საბუთების შეგროვება სჭირდება, რაც არ მოეპოვება.

,,რადგან ფული არ მქონდა, ხელი არავინ მომკიდა. 2012 წლის 1 მაისს, როგორც იქნა, გამიკეთეს ოპერაცია პოლისის საშუალებით. მაგრამ ერთი ოპერაცია არ იყო საკმარისი, ამიტომ მჭირდება მეორე ოპერაციაც, მაგრამ არჩევნების შემდეგ პოლისები შეგვიჩერეს,“-ჰყვება კასაბიანი.
როგორც თავად ჰყვება, წერილობითი თხოვნით მერიასა და ჯანდაცვის სამინისტროს მიმართა, მაგრამ ორივე უწყებისგან უარი მიიღო.

,,საბუთების გასაკეთებლად თანხა მჭირდება და სანამ მე თანხის შეგროვებას და საბუთების გაკეთებას შევძლებ, აღარაფერი მეშველება. დამემართა ძვლის ანთება და მდის სითხე ფეხიდან. 6200 ლარია საჭირო ოპერაციისთვის, თანხის უქონლობის გამო ხელს არავინ მკიდებს. არც არავინ მაფინანსებს, ერთი რაც მითხრეს ისაა, რომ ,,თუ განგრენა დაგემათა უფასოდ მოგაჭრით ფეხსო“ სახლში არავინ მუშაობს, ორი შვილი მყავს. მეზობლები თუ რაიმეს შემოგვაწვდიან, ეგაა და ეგ. ჩემი მეულღე კვირაში ერთხელ დადის სახლის დასალაგებლად და 25 ლარს აძლევენ. ასე ვაგროვებთ და კომუნალურებს ვიხდით,“- კასაბიანის ოჯახს არც სოციალურად დაუცველის სტატუსი აქვს.

თინა თაყაძე