ენგურის ნაპირზე ნაპოვნი ცხედარი, რომელიც აფხაზურ და ქართულ მხარეებს შორის მოლაპარაკების თემად იქცა, ექსპერტიზის ჩატარებამდე ამოიცნეს: ცხედარი 14 წლის გოგიტა კვარაცხელიასია, რომელიც ფულის გამოძალვის მიზნით 21 მარტს გაიტაცეს.

მოზარდი 21 მარტს დაუდგენელმა პირებმა სოფელ ჭკადუაშიდან გაიტაცეს. სოფელი ქართველი ძალოვნების მიერ კონტროლირებად ტერიტორიაზე მდებარეობს. თავდაპირველად გაჩნდა ეჭვი, რომ კვარაცხელია გამოსასყიდის მიღების მიზნით გაიტაცეს, რადგან გოგიტა კვარაცხელიას და ინგლისელ ბიზნესმენზეა გათხოვილი.

ეჭვი მოგვიანებით დადასტურდა, როცა შუამავლის მეშვეობით გამტაცებლებმა ოჯახს 500.000 აშშ დოლარი მოსთხოვეს, წინააღმდეგ შემთხვევაში კი მოზარდის ლიკვიდაციით დაიმუქრნენ.

გარდაცვლილი უკვე გადაასვენეს მისივე დის სახლში.