ეკვადორში მომხდარი დამანგრეველი მიწისძვრის შემდეგ, რომელსაც 570 ადამიანი ემსხვერპლა, პრეზიდენტმა რაფაელ კორეამ ქვეყნის აღმშენებლობისთვის ახალი სპეციალური ზომები შემოიღო, რომელთაგან ერთ-ერთს „მდიდრების გადასახადი“ წარმოადგენს.

უფრო კონკრეტულად, ქვეყნის პრეზიდენტის, გადაწყვეტილებით, მოგების გადასახადი 12-დან 14 პროცენტამდე გაიზარდება.
იმ მოქალაქეებმა, რომლებიც 1 მლნ დოლარზე მეტი ოდენობის კაპიტალს ფლობენ, სახელმწიფოს თავიანთი ქონების 0,9 პროცენტი უნდა გადაუხადონ.

ხოლო მოქალაქეებს, რომელთაც ყოველთვიური ხელფასი 1000 დოლარი აქვთ , სახელმწიფოსთვის ერთი დღის კუთვნილი ანაზღაურების გადახდა მოუწევთ. მათ კი, ვისაც 2000 დოლარის ოდენობის შემოსავალი აქვთ თვეში, 2 დღის ოდენობის ხელფასი უნდა გადაუხადონ სახელმწიფოს.

პრეზიდენტის თქმით, წინასწარი მონაცემებით, მიწისძვრის შედეგად მიყენებული ზარალი დაახლოებით 3 მილიარდ დოლარს შეადგენს.

ეკვადორში 7.8. მაგნიტუდის მიძისძვრა შაბათს საღამოს მოხდა. მიწისძვრის ეპიცენტრი სანაპიროდან 27 კილომეტრში, 19 მეტრის სიღრმეზე იყო.

მიწისძვრის შედეგად დაიღუპა 570 ადამიანი, დაინგრა საცხოვრებელი სახლები, განადგურდა ინფრასტრუქტურა